प्रेमाची भावना एकच, पण रूपं अनेक… कधी विरहाची हुरहूर, कधी भेटीची आस, कधी रुसवा, तर कधी मिलनाचा आनंद.

या कार्यक्रमातून प्रेमाच्या अशाच आठ भावछटांचा प्रवास उलगडत जातो. भारतीय काव्यपरंपरेतील अष्टनायिका या संकल्पनेला समकालीन संदर्भ देत, कथा, शब्द आणि शास्त्रीय संगीताच्या माध्यमातून या आठ भावविश्वांना रंगमंचावर साकारले जाते. प्रत्येक भावाला साथ आहे एका स्वतंत्र बंदिशीची ज्यातून शब्द आणि स्वर एकत्र येत त्या भावनेला नवे रूप देतात.

कार्यक्रमातील बंदिशी सायली पानसे यांनी रचलेल्या असून, त्यांच्या संकल्पनेतून आणि लेखनातून हा संपूर्ण संगीतप्रवास आकाराला आला आहे.

या सुरेल प्रवासात साथ देत आहेत. हृषिकेश बडवे, *रागेश्री वैरागकर, अभिजीत बारटक्के आणि निलय सालवी

सर्व रसिकांना स्नेहपूर्वक आमंत्रण. 🙏

कलासक्त कल्चरल फाउंडेशन
अध्यक्ष : श्रीरंग कुलकर्णी
कार्यकारी विश्वस्त: डॉ.विनिता आपटे